Fiskidagurinn mikli, 8. ágúst 2009 

Fiskidagurinn mikli "Fjölskylduhátíð" er haldinn hátíðlegur í Dalvíkurbyggð ár hvert á fyrsta laugardegi eftir verslunarmannahelgina. Fiskverkendur og fleiri aðilar í byggðarlaginu ásamt góðum styrktaraðilum bjóða landsmönnnum og gestum landsins í margréttaða fiskveislu milli kl 11.00 og 17.00. Markmiðið með deginum er að bjóða öllum í fría fiski - og menningarveislu og að fólk hittist og eyði góðum degi saman. Fiskidagurinn hefur tekist með afbrigðum vel og fyrstu sjö árin hafa mætt samtals um 160.000 gestir. Vönduð og fjölbreytt skemmti - og afþreyingardagskrá hefur prýtt daginn. Á hverju ári er boðið upp á fjölbreyttan matseðil og nýjungar í hvert sinn. Grillað er á lengsta grilli á Íslandi og þó víðar væri leitað. Grillið er færibanda grill með 20 gasbrennurum og er 8 metrar að lengd. Á fjórtán grillstöðvum er grillaður fiskur í mismunandi marineringu.Öllum réttum fylgir brauð og drykkir og eins mikið af öllu og hver getur í sig látið. Skemmtidagskráin er afar fjölbreytt og metnaðarfull og meðal annars er fiskasýning þar sem vel á annað hundrað ferskir fiskar eru sýndir, skemmtisigling um fjörðinn, listsýningar, götuleikhús og tónlist í öllum regnbogans litum allan daginn og svona mætti lengi telja og alltaf eitthvað nýtt á hverju ári. Kvöldið fyrir Fiskidaginn mikla er "Fiskisúpukvöldið mikla" þar sem íbúar byggðarlagsins opna heimili sín og bjóða gestum og gangandi að smakka fiskisúpu. Meiri upplýsingar um Fiskidaginn Mikla eru hér. 

Myndir frá fiskideginum Mikla 2008

Myndir sendar í ljósmyndasamkeppni Fiskidagsins mikla

Myndir frá útsendingum Bylgjunnar á Dalvík

Matseðill Fiskidagsins Mikla 2009

Nýjung í ár er 5 fermetra Ektasaltfiskpizza - Stærsta Pizza landsins
Samvinnuverkefni - Ektafisks - Promens - Greifans og Fiskidagsins mikla

Dagskrá á Dalvík í kringum Fiskidaginn Mikla

Miðvikudagur 5. ágúst
Fjölskylduratleikur Fiskidagsins mikla - Eyðublöð liggja frammi á þjónustustöðum
Fiskidagsgangan
Bæjarbúar huga að skreytingum og smakka til súpukraftinn og vinna í hráefninu í súpuna.

Fimmtudagur 6. ágúst
Lokahönd lögð á skreytingar og allir setja fiskana út á lóðarmörk
Fjölskylduratleikur Fiskidagsins mikla - eyðublöð liggja frammi á þjónustustöðum

Föstudagur 7. ágúst
Fjölskylduratleikur Fiskidagsins mikla - Eyðublöð liggja frammi á þjónustustöðum
Vináttukeðjan
Fiskisúpukvöldið

Laugardagurinn 8. ágúst

Dagskrá á aðalsviði Fiskidaginn Mikla

Fiskidagurinn mikli 2009 - Dagskráin á aðalsviði - Kynnir : Júlíus Júlíusson.
kl.11:00 - Setning - Framkvæmdastjóri Fiskidagsins mikla

kl.11:05 - Lag Fiskidagsins Mikla - Matti Matt og Friðrik Ómar

Og síðan rúllar dagskráin áfram stanslaust til kl. 17:00.......  Góða skemmtun

Dagskrá á hátíðarsvæði annað en á sviði

10.00 -16.30: Félagar úr Leikfélagi Dalvíkur dreifa blaði til allra sem koma í bæinn og bjóða velkomna.
Brúðubíllinn í boði KEA: Skemmtir börnum á öllum aldri með þremur sýningum kl 13.00-14.00-15.00
09.30 - 17.00 : Björgunarsveitin á Dalvík sér um gæslu á hátíðarsvæði og á gúmmíbát í höfninni.
Arngrímur Jóhannsson flugkappi sýnir listir sýnar í háloftunum og lendir í höfninni.

Heimasíða Fiskidagsins Mikla er http://www.fiskidagur.muna.is/