Stjórnsýsla Dalvíkurbyggðar

Stjórnsýsla í Dalvíkurbyggð fer eftir sveitarstjórnarlögum, stjórnsýslulögum og samþykktum og reglum sveitarfélagsins sem sett hafa verið um starfsemina.  Af öðrum lögum ber að nefna upplýsingalög og lög um persónuvernd sem stjórnsýsla Dalvíkurbyggðar skal fara eftir.  

Sveitarstjórn fer með æðsta vald í málefnum sveitarfélagsins og má sjá nánar um verkefni sveitarstjórnar í samþykkt um sveitarstjórn og verkefni hennar. Byggðaráð ásamt sveitarstjóra fer með framkvæmdastjórn sveitarfélagsins, fjármálastjórn og starfsmannastjórn sé slík stjórn ekki öðrum falin. Í sumarleyfi sveitarstjórnar fer byggðaráð með fullnaðarafgreiðslu mála. Fundargerðir byggðaráðs eru lagðar fyrir sveitarstjórn til staðfestingar.