Gisting

Syðri- Hagi, Tel. 466 1961/ 855 1861
sydrihagi@hotmail.com
Syðri Hagi býður uppá gistingu í heilsárshúsi á Árskógsströnd. Syðri Hagi er um 15 km frá Dalvík og um 30 km frá Akureyri. Í húsinu er svefnaðstaða fyrir 4 en hægt er að auka aðstöðuna í 8 með dýnum á gólfi. Syðri Hagi stendur við Eyjafjörð og er örstutt í fjöru til að veiða eða bregða sér á sjó. Eigendur Syðri Haga eru Úlla May Rögnvaldsson and Ármann Rögnvaldsson.

Ytri-vík / Kálfskinn Tel. 899 8000
sporttours@sporttours, www.sporttours.is 
Ytri-Vík Gamla húsið er steinhús á þremur hæðum sem byggt var 1929 og var þar stundaður búskapur bæði til sjós og lands til langs tíma en eftir að allur búskapur var lagður af, hófst þar ferðaþjónusta árið 1983 og síðan þá hefur húsið verið í stöðugri endurbyggingu. Í húsinu eru 7 svefnherbergi tveggja- og þriggjamanna og rúmar húsið 16 manns í uppbúin rúm. Í húsinu er fullbúið eldhús og borðstofa sem rúmar 25 manns og einnig lítil setustofa. Í kjallara hússins er gufubað og búningsaðstaða fyrir gesti og stór heitur pottur fyrir utan.
Frístundahúsin / Sumarhúsin
Bakki, Brekka og Hlíð (6-8 manna) eru hvert fyrir sig 50 fm. sumarhús með gistirými fyrir sex manns í rúmum. Tvö herbergi eru með tvíbreiðu rúmi og einbreiðri koju fyrir ofan, einnig lítill skápur og náttborð. Í stofu er leður sófasett, sjónvarp, video og útvarp.. Svefnloft sem rúmar allt að sex manns á dýnum. Í húsunum er allt það nauðsynlegasta í eldhúsi ss. hellur, ísskápur, örbylgjuofn, kaffikanna, ýmiss smá rafmagnstæki, borðbúnaður og flest öll önnur áhöld sem til þarf. Við húsin er stór verönd sem er yfirbyggð að hluta, þar er kolagrill, garðhúsgögn og að sjálfsögðu heitur pottur.
Gil og Sel (5 manna) eru tvö 37 fm. sumarhús með gistirými fyrir fimm. Eitt herbergi er með tveim 90 cm rúmum og einbreiðri koju, tvíbreiðum svefnsófa í stofu sem einnig er eldhús og borðstofa. Í húsunum er allt það nauðsynlegasta í eldhúsi ss. hellur, ísskápur, örbylgjuofn, kaffikanna, ýmiss smá rafmagnstæki, borðbúnaður og flest öll önnur áhöld sem til þarf, einnig er í húsunum sjónvarp, video og útvarp. Lítil yfirbyggð verönd er við enda húsana með heitum potti, kolagrilli, borði og stólum.
Snúður og Snælda (4 manna) eru tvö 27 fm. sumarhús með gistirými fyrir fjóra. Eitt herbergi er með tveim 90 cm rúmum og tvíbreiðum svefnsófa í stofu sem einnig er eldhús og borðstofa. Í húsunum er allt það nauðsynlegasta í eldhúsi ss. hellur, ísskápur, örbylgjuofn, kaffikanna, ýmiss smá rafmagnstæki, borðbúnaður og flest öll önnur áhöld sem til þarf, einnig er í húsunum sjónvarp, video og útvarp. Lítil yfirbyggð verönd er við enda húsana með heitum potti, kolagrilli, borði og stólum.
Í húsinum öllum eru sængur og koddar en rúmföt, handklæði, barnastólar og barnarúm fást gegn aukagjaldi.
Allar frekari upplýsingar eru á www.sporttours.is  

Fosshótel, Dalvík,  Tel. 466 3395 / 562 4000
bokun@fosshotel.is, dalvik@fiosshotel.is  , www.fosshotel.is  
Fosshótel Dalvík (fyrrum Hótel Sóley) er nýtt og þægilegt ferðamannahótel á góðum stað á Dalvík. Á hótelinu eru 25 herbergi með sturtu/salerni, sjónvarpi, síma, þráðlausri internet tengingu og útsýni yfir nálæg fjöll og firði. Auk þess býður hótelið upp á 7 herbergi með sameiginlegri sturtu- og/salernis aðstöðu auk sameiginlegs eldhúss sem að kemur sér vel fyrir svefnpokagistingar og þá sem vilja ferðast ódýrt. Móttakan er bæði nýtískuleg og notaleg, þar er að finna sjónvarpshorn, bar og internet aðstöðu. Stórt morgunverðarrými er á hótelinu, sem einnig er hægt að nota sem sal fyrir hópa og ráðstefnur. Bakarí og veitingastaður eru á Dalvík og einnig er þar að finna aðra staði sem bjóða uppá fljótlega rétti. Fosshótel Dalvík leigir út fjallahjól og býður upp á ókeypis bílastæði.

GistihúsiðSkeiði Svarfaðardal, Tel. 466 1636
md@thule-tours.com, www.thule-tours.com
Íbúðarhúsið var byggt 1935, eftir að skriða féll á eldri bæinn og eyðilagði hann. Við endurbyggðum húsið 1999. Allt var endurnýjað nema burðarveggir. 
Í boði er gisting í stúdíó-íbúð með tveimur tveggja manna herbergjum og stofu með svefnaðstöðu. Gistirými fyrir allt að 8 manns.
Einnig er í boði gisting í "fjósinu" þar er eitt tveggja manna herbergi og svefnkoju-herbergi. Gistirými fyrir allt að 20 manns.
Fólk getur fengið að tjalda á túninu með frábæru útsýni, aðgang að eldhúsi og baðherbergi.

Dæli í Skíðadal, Tel. 466 1658
daeli@islandia.is, www.internet.is/daeli
Í Dæli er boðið uppá gistingu í uppgerðu 100m2 fjárhúsi sem staðsett er á Másstöðum í Skíðadal, sem er í 18 km fjarlægð frá Dalvík. Húsið er með öllum búnaði og möguleiki á gistingu fyrir 5 - 8 manns í rúmum. Þá getur fólk fengið að tjalda og gista í húsbílum á svæðinu í samráði við eigendur.

Vegamót á Dalvík, Tel. 865 8391
kas@hive.is, www.vegamot.co.cc

Gamli bærinn á Vegamótum:
Við bjóðum gistingu í litlu fallegu húsi sem er byggt árið 1914 en var s.l. vetur endurbyggt frá grunni í upprunalegum stíl. Það stendur bak við íbúðarhúsið á Vegamótum við hliðina á stórum og fallegum blóma- og trjágarði um 200 metra frá Sundlaug Dalvíkur. Húsið skiptist í stofu, eldhús og baðherbergi með sturtu og svefnloft. Í stofunni er góður svefnsófi þar sem tveir fullorðnir geta sofið en einnig er pláss fyrir börn á dýnum. Á svefnloftinu geta allt að 4 sofið á dýnum. Í eldhúsinu er eldavél og ísskápur ásamt flestum venjulegum tækjum og eldhúsáhöldum. Í stofu er sjónvarp og DVD spilari. Gestir geta einnig tengst internetinu á þráðlausu neti. Garðurinn okkar er auðvitað frjáls til afnota fyrir gesti okkar. Hann er stór og fallegur og fullur af trjám og blómum sem fyrri eigendur gróðursettu endur fyrir löngu. Sunnan við garðinn er opið svæði þar sem er upplagt að fara í leiki, sparka bolta eða hoppa á trampólíni yngstu heimasætunnar!

Smáhýsin á Vegamótum:
Á Vegamótum eru einnig þrjú smáhýsi sem eru 15 fermetrar hvert. Hvert hús er eitt rými + snyrting og rúmar 4 svefnpláss á tvíbreiðu rúmi og svefnsófa. Eldhúskrókur með eldavélarhellum og áhöldun fyrir einfalda eldun.

Gimli:
Gimli er 250 ferm. hús í miðjum bænum. Þar er mögulegt að leigja hvora hæð fyrir sig en eldurnaraðstaða er á báðum hæðum. Í húsinu eru 7 herbergi en snyrtingar eru sameiginlegar.
Húsið er upplagt fyrir fjölskyldur sem ferðast saman eða hópa.

Nánari upplýsingar á www.vegamot.co.cc  eða hjá Heiðu í síma 865-8391 eða á vegamotdalvik@simnet.is . Verið velkomin að Vegamótum á Dalvík.

Húsabakki/Rimar í Svarfaðardal, Tel. 466 1551 / 863 5051

Rimar er íþróttahús og félagsheimili. Húsið er leigt út til einstaklinga og hópa árið um kring. Í Rimum er stór salur sem tekur allt að 300 manns í sæti (en þá er líka þétt setinn Svarfaðardalurinn) og annar minni salur sem tekur 60-80 manns. Hægt er að opna á milli þeirra og er þá sá minni eins og sena. Fullbúið eldhús er í húsinu.

Í boði eru áhöld og tæki fyrir flestar greinar íþrótta og góðir búningsklefar. Einnig er gufubað í húsinu.

Gisting á svæðinu
Að Húsabakka er hægt að fá gistingu í rúmum (allt að 65 gistipláss - gestir verða að koma með svefnpoka/sængur) í gamla skólahúsnæðinu en einnig er hægt að tjalda á grasflötum við Rima. Nánari upplýsingar gefur staðarhaldari.

Gisting og tjaldsvæði að Húsabakka 

Tjaldsvæði Dalvíkur, Tel. 466 3233
sundlaug@dalvik.is, www.dalvik.is/sundlaug/Tjaldsvaedi